General Santos City— Magpadayon gihapon ang operasyon sa KAPA. Kini ang gibutyag ni Atty. Riolen Gellisania, usa sa mga Legal Council sa KAPA Ministry.
Sumala niya nga kung adunay nakit-ang dili mao sa gihimong ronda ang NBI sa panimalay sa founder niining si Pastor Joel Apolinario, mmahimo matud pa nga mupasaka ug kaso aron nga matubag sa ilahang kampo.
Pagpaklaro niini nga illegal ang gihimong ronda sa NBI gani wala matud pa nabutang sa maong search warrant nga gi-issue nga 1st Vice Executive Judge Marivic Umali kung unsanga parte sa balay ni Apolinario ang ilahang sudlon.
Dugang pamahayag ni Atty. Gillesania nga subay sa maong search warrant, tiobuok Blk. 7 sa Brgy. City Heights ang sudlon pasabot nga pakyas nga mahimo ang maong search operation.
Pagpaklaro niya nga dili pasabot sa maong ronda sa tanang buhatan sa kapa, muundang na ang operasyon. Gani bisan ug adunay freeze order ang Anti-Money Laundering Council kon AMLC dili matud pa apektado ang operasyon sa kapa.
Pag-angkon ni Atty. Gillesania tungod sa nahitabo karon sa buhatan sa KAPA, posibleng adunay himuong aksyon ang mga miyembro niini, isip pagpakita sa ilahang kasuko ngadto sa gobyerno.
