Davao City – Nakaalerto ang matag barangay sa syudad sa Davao sa pagresponde batok kalamidad nga mohapak sa bisan unsang oras.
Sumala ni Davao City Disaster Risk Reduction and Management Council (CDRRMC) Head Retired Police Alfredo Baluran, gi-obliga ang matag barangay pinaagi sa Barangay Disaster Risk Reduction Council subay sa mando sa Department of Interior and Local Government (DILG) nga maoy gitahasan sa pagresponde sa higayong dunay trahedya nga matigayon sa ilang lugar.
Matud ni Baluran, nagpadayon ang ilang gihimong seminars sa kabarangayan kabahin sa pag-ila ug pagpasabot sa katawhan sa mga active fault lines ug calamity prone areas sa dakbayan sa Dabaw.
Gitataw usab sa hepe sa CDRRMC, nagpahigayon usab sila sa pagsusi sa mga giingong aktibong lugar nga agian sa linog aron mapahibalo ang katawhan kabahin niini.
RadyoMaN Bernard Pantallon
