General Santos City—magpadayon karong adlawa ang operation padlock sa City Permits and Licensing Office sa kapulisan ug sa city permits and licensing Division sa mga Small Town Lottery Outlet dinhi sa dakbayan.
Nasayran nga kagahapong adlawa, ilawom sa Police Station 1 adunay mukabat sa 14 na ka mga STL outlet ang napasarad-an sa kapulisan sa pagpanguna ni Police Chief Inspector Jovenson Bayona, hepe sa Police Station 1 ug Geraldine Zamora, Department Head sa City Permits and Licensing Division.
Nasayran nga dunay tarpaulin nga gipaskil ang otoridad diin naimprenta ang pulong nga “ This Small Town Lottery Station is Hereby ordered closed by the City Government in Violation Of RA 9469, General Santos City Charter as Amended ”.
Gipa-receive usab sa otoridad ngadto sa staff sa STL outlet ang mando ni Mayor Ronnel Rivera nga temporaryo unang undangon ang ilang operasyon aron nga masugdan na ang deliberasyon sa request sa PCSO nga concurrence sa STL dinhi sa syudad.
