Gipahinumduman ni Regional State Prosecutor Merlyn Uy ang mga operatiba sa Philippine Drug Enforcement Agency kon PDEA nga ilang subayon kanunay ang insaktong pamaagi sa ilang pagsilbi sa mga search warrants.
Kini nga pahinumdum human gi-dismiss ni Judge Joeffre Acebido sa Regional Trial Court Branch 41 niadtong September 11, 2018 ang kasong illegal possession of illegal drugs ug illegal possession of fire arms batok ni Johaira Macabuat alias Marimar ug mga kauban.
Matud ni Uy nga ang pag-dismiss ni Judge Acebido sa maong kaso batok ni Drug Queen Marimar, magsilbing leksiyon sa mga operatiba sa PDEA nga dili basta basta i-serve ang search warrant.
Sigon sa 25 ka pahina nga desisyon ni Judge Acebido, iyang gitawag nga “Fruit of Poisonous tree,” ang mga ebedensiya nga nakuha sa PDEA gikan sa balay ni Marimar sa Ballon Compound sa Barangay Kauswagan atol sa ilang pag-ronda niadtong July 23, 2016.
Kay matud ni Acebido nga wala sunda sa PDEA ang insaktong patakaran sa ilang pag-serve sa maong search warrant busa iyang gi-dismiss ang maong kaso batok sa giilang drug queen dinhi sa Southern Philippines.
