Davao City – Giklaro sa Municipal Disaster Risk Reduction and Management Office (MDRRMO) Pantukan sa Davao de Oro nga anaa sa operator sa minahan ang liability sa mga biktimang minero sa landslide nga nahitabo sa Sitio Palo, Purok Ecoland, Barangay Napnapan, Pantukan, Davao de Oro.
Sa interbyu sa DXDC RMN Davao kang Nick Bryan Patalinghug, head sa Rescue Team, gitataw niini nga wala nagkulang ang Local Government Unit (LGU) Pantukan sa pagpahimangno sa mga operator sa gagmayng minahan nga likayan ang pagpahigayon og operasyon ilabina panahon sa pag-ulan aron malikayan ang unsa mang disgrasya o insidente.
“Dili nato makuan (maingon) nga liable ang Local Government Unit. Kung naa man ‘tay matumbok, it is the operator of the certain operation, the small-scale mining operation,” segun ni Patalinghug.
Nasayrang upat ka mga minero ang casualties sa landslide sa lugar diin una nang na-retrieve ang patay nga lawas sa tulo ka mga biktima nga napahilona na usab sa ilang mga pamilya.
RadyoMaN Kirby Manzon
Facebook Comments
