Operator sang STL sa probinsya sang Iloilo, gin-ambush

512

Gintiro sang riding in tandem si Sam Aguilar sang Eagle Crest Gaming Corporation , ang operator sang Small Trown Lottery sa probinsya sang Iloilo.

Natabo ang insidente alas 11:30 kaina sang aga sa Barangay Buyuan, Tigbauan, Iloilo.

Santo sa imbestigasyon sang Tigbauan PNP, naghalin sa Guimbal si Aguilar matapos nagtambong sa hearing kag padulong na kon tani sa syudad sang Iloilo sakay sa puti nga Toyota Grandia nga van sang ginluthang sang wala makilal-an nga mga suspetsado sakay sa motorsiklo gamit ang M16 rifle.

Nabuka ang bintana sa likod sang van samtang may igo man sang bala ang bintana sang passenger seat.

Suno sa impormasyon, 6 ka pilas ang naagum ni Aguilar kag nagapabilin nga conscious sa hospital.

Magluwas kay Aguilar, pilason man ang duha ka mga kaupdanan niya sa van nga wala pa ginhingalanan kag gindala man sa hospital.

Nagapadayon ang hot pursuit operation sang kapulisan agud madakpan ang mga suspek.

Ginahibalo pa sang Tigbauan PNP ang motibo sang insidente.

(This is a developing story.)


Facebook Comments