Davao City – Adunay legal nga bansagon isip organisasyon ug partylist ang Magdalo Partylist nga nagbitbit og adbokasiya ug politikanhon nga interes.
Dili angay makumpara sa terorista ang Magdalo Partylist sa katarungan nga wala man kini muhangop sa ideolohiyang kumunista ni musunod sa tunob sa bayolenteng binuhatan sa teroristang grupo.
Ang pagka-kritiko ni Rep. Gary Alejano kang Pres. Rodrigo Duterte dili bug-at nga basehan aron tawgon nga terorista ang Magdalo partylist.
Sumala ni Alliance for Nationalism and Democracy National Media Officer Arthur Tariman nga ang pagdalahig ni Duterte sa Magdalo nga terorista sama ra sa ‘red-tagging’ sa CPP-NPA-NDFP.
Hagit pa ni Tariman sa administrasyong Duterte nga musang-at na lang og kaso sa korte aron didto pamapatud-an ang gipakatag nga istorya nga daw teroristang grupo ang Magdalo partylist.
RadyoMaN Joel Viray
