Davao City – Andam ang usaka ka Davaoeño investment scheme member nga mahanaw ang iyahang mga gipang-invest nga kwarta diha sa mga iladong investment schemes nga nakabase gawas sa Davao City sama sa Kabus Padatoon (KaPa) ug RiGen Marketing.
Matud sa usaka alyas Lester, usa ka nag-invest ning mga bag-ong money-making schemes nga naagni siya nga mobutang ug capital human makita nga ang iyang mga higala niarang-arang na ang estado sa kinabuhi karon.
Segun ni Lester nga kung musulod ka man sa ingon niini nga mga butang, likayan nga ipang-prenda or ipamaligya ang mga kabtangan, kayutaan o mga propyedad aron lang maka pa member.
Samtang dugang usab sa laing investor nga nahimamat sa Straight to the Point Investigative Team, nakita usab niya ang positibong epekto sama sa ubang mag-uuma nga wala na nangutang aron pampalit sa ilang mga abono alang sa ilang mga pananum, nakapalit na og sakyanan ug nakapaayo’g balay human maka-payout.
Apan iyang pahimangno sa kapwa-investors nga kwidaw sa daku ang tubo, huna-hunaon nga kinahanglan nga ready ka sa taas nga risgo niini or sa bisan usang posibleng negatibong mahitabo sama sa pagkahagsa sa nasudlang investment or pagka-bankrupt niini diin dili na unya mabalik pa ang kwartang gibubo nila.
RadyoMaN Aimee Guinita
