Gisilbi sa National Bureau of Investigation kon NBI 10 kauban ang Philippine National pulis ug ang Securities and Exchange Commission region 10 kagahapon sa hapon ang search warrant batok KAPA-Community Ministry International, Inc. diin ilang opisina nahimutang sa Hagkol, Poblacion, Valencia City.
Sa interview sa RMN Malaybalay ngadto kang PNP 10 regional spokesperson Pol. Lt. Col. Surkie Sereñas gikumpirma niini nga adunay gihimong pagronda ang otoridad sa buhatan sa Kapa.
Sa karon gihimo na nila ang case build up aron mapasakahan ug kaso ang kadagkuan sa Kapa.
Hinoon giklaro ni Serenias nga aduna nay kaso ang mao nga ministry nga mao ang cease and desist order.
Matud ni Lt.Col. Serenias nga sa karon padayon pa ang gihimong inventory sa NBI ug PNP nga magsilbing ebidensiya sa pagpasaka ug kaso sa KAPA.
Nasayran nga walay trabahante sa KAPA ang nasapon sa mga otoridad apan nga caretaker lang sa ilang opisina.
Gisiguro usab ni Serenias nga makasuhan ang mga nagrehistro ug ang nagtukod sa KAPA ministry.
