General Santos City–Gihingusgan ni 1st Lt. Jerry Maborrang, spokesperson sa 73rd Infantry Battalion nga dapat undangan na sa walhong pundok o miyembro sa New People’s Army kon NPA ang pagpanglingla sa mga katawhan hilabina diha sa kabukiran.
Partikular kining pagpangdaot sa panggobyerno sa nasud ingon man ang padayong pagpang-recruit ug mga batan-ong miyembro.
Sumala ni Maborrang nga dugay nang ginasulti sa NPA nga modaug sila sa ilang gipakigbisugan apan hangtod karon wala gihapon silay nadawdaw gumikan daghan nang nasayod nga katawhan nga sila gapangilad lang.
Dugang pagbutyag ni 1st Lt. Maborrang nga inay padayong makigbisog diha sa kabukirana ang mga miyembro sa NPA mas maayong sila mutahan nalang sa ilang kaugalingon ngadto sa gobyerno.
Sumala pa nga gawas nga hatagan sila ug finansyal nga tabang tabangan usab sila nga subli makabarog ug makapuyong normal uban sa ilang pamilya.
Gihingusgan pa ni Maborrang nga dili angayang magpailad pa ang mga miyembro sa NPA sa ilang mga pasalig nga sila hatagan ug maayong kinabuhi higayon nga sila modaog sa ilang gipakigbisugan.
