General Santos City–Malampusong nasikop sa mga personahe sa Police Station 1 ang usa ka Purok Opisyal sa usa ka purok sa Barangay Dadiangas Gensan nga itago lang sa pangalang Bobby Borja Jr. human nga gi-aligaran kini sa usa ka 17 anyos nga dalagita ug pag panglugos sulod mismo sa panimalay sa nahisgutang suspect niadtong milabay nga adlaw.
Sumala pa sa biktima nga si Alyas Cherry 17 anyos nga anaa matud pa kini sa boarding house sa iyang barkada diin tua kini natulog sa nakadungog kini ug banha sa pikas kwarto human nga nanghasi matud pa ang nahisgutang opisyal hinungdan nga iyang kining gisuta.
Dihang siya nakit-an sa suspek, siya gitawag niini dayon pugsanong gidala sa ilahang panimalay ug didto matud pa niini gihimo nag paglugos sa biktima.
Hugot usab nga gipanghimakak sa suspect nga si Borja ang aligasyon nga gilugos niya ang nahisgutang biktima, apan giangkon niini nga nadapatan gayud niya ang kauban sa biktima nga usa ka menor de edad.
Wala lang niini napugngan ang iyang kaugalingon nga pasakitan ang batan-on tungod siya gitubag-tubag sa nahisgutan.
Samtang gihagit sa suspect ang biktima nga magpagawas ug medical test gumikan wala gyud matud pa niya nahilabtan ang reklamante.
Sumala pa niini nga pag agi niya sa maong lugar nasimhutan matod pa niya ang marijuana sulod mismo sa kwarto sa usa ka babaye hinungdan nga iyang gisita. Noted na matud pa ang maong lugar nga tambayanan ug mga batang sukarap nga nagagamitan ug marijuana.
Gi angkopn usab sa nahisgutan nga nakainom siya sa maong higayon apan dili matud pa kaayo hubog ug madala lang niya ang iyahang kaugalingon, nabuhat lang matud pa niya ang pagsita sa mga batang nagtambay tungod usab sa sunod-sunod nga kawat nga nahitabo sa ilahang lugar.
Desidedo usab nga mag pasang-at ug kaso ang mga kabanay sa biktima ngadto sa nahisgutang opisyal sa purok.
Sumala pa sa iyaan nga si alyas Margie dili gayud taga silway ang iyahang pagumangkon ug mibisita lang matud pa kini sa ilahang lugar ug miadto sa iyang mga barkada hinungdan nga grabi ang kalagot nila sa dihang Nasayran nga gilugos sa nasangpit nga opisyal ang ilahang pag-umangkon.
Dugang pa niini nga aduna naman usab silay nadungog nga estorya sa ilang purok nga daghan na ug nahilabtan ang nahisgutang suspect ug maoy sad kini kung makainum.
Gisaysay usab sa usa ka boardmate sa usa sa mga biktima kung gi-unsa pagkulata sa nahisgutang suspect ang usa ka biktima nga usa usab ka menor de edad kansa gi-aligaran sa suspek nga migamit ug marijuana.
Sumala pa niini nga gisikaran sa maong opisyal ang bata ug sa dihang nanirado ug pultahan ang biktima, subli niya kining gisikaran ug gilabay ug bato hinungdan nga naguba ang pultahan sa lawak sa biktima.
Sa dihang nakita niya ang biktimang 17 anyos migawas kini sa boarding house dayon iyang gitawag ang biktima ug gipauban ngadto kaniya.((Dave Silagan))
