Ginpanugyanan sang opisyal sang Bacolod City Water District (BACIWA) si Councilor Wilson “Jun” Gamboa Jr. nga dal-on sa husto nga venue ang alegasyon sini nga may yara sang mismanagement kag korapsyon sa sulod sang water district kasunod sang pagpirmahanay na sang 25-anyos nga Joint Venture Agreement sa Prime Water Infrastructure Corporation.
Gionpahayag sa DYHB ni Engr. Jenelyn Gemora, Assistant General Manager for Operations sang BACIWA nga indi siya makakomento sa pahayag ni Councilor Gamboa gani iya ginapanugayan nga dal-on na lang ini sa proper venue. Samtang, nagpanugyan si Gemora nga tsekyarun ang performance sang Prime Water sa Cadiz kag Himamaylan City kasunod sang pahayag naman ni Councilor Archie Baribar nga indi maayo ang serbisyo sini sa iban nga local government units nga ila ginsulod.
Ginpanindugan ni Engr. Gemora nga kinahanglanon ang Prime Water agud maka-deliver sang 24/7 nga water supply sa ciudad kag makaayo ang daan na nila nga mga pasilidad. Suno sa opisyal, P40 million lang ang capital expenditure sang BACIWA kada tuig apang P190 million ang kinahanglanon agud ma-mintinar ang mga pasilidad sini. Nahibaluan nga maga-invest ang Prime Water sang P6.3 billion sa BACIWA sa sulod sang 25 katuig kag sa una nga tuig, magapaguwa ini sang P249.5 million para sa ila operasyon.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
