Ang wala matud pa pagbutang sa mga designated common poster areas ang kasagarang kasupakan nga nahimo sa mga kandidato sa probinsya sa Bukidnon.
Sa interview sa RMN Malaybalay ngadto kang Atty. Milber Alinas, ang acting provincial election supervisor sa Commission on Election kon COMELEC Bukidnon gibutyag niini nga gawas sa wala pagbutang sa mga common poster area, adunay mga tarpaulin ug campaign paraphernalias ang over size.
Matud ni Atty. Alinas nga matag karon ug unya mao kini ang panglangkaton sa Oplan Baklas nga gilangkuban sa COMELEC, DPWH, ug PNP.
Hinoon giklaro niya nga bisan ug mamahimong magpikit ug campaign materials sa mga balay-balay, ug pribadong gambalay ug property, apan kinahanglan pa gihapon kining magnanghid ug musunod insaktong sukod nga gitakda sa Comelec.
Bisan pa man niini, gipasalamatan niya dili man usab daw kaayo daghan ang nakasupak sa mao nga sumbanan.
Alayon niini nagpahinumdom si Atty. Alinas sa mga kandidato, supporters ug agent nga musunod na lamang sa guidelines sa Comelec.
Hinoon gibutyag niya nga aduna silay gihimo nga mga candidates briefing sa matag lungsod aron mapahibaw ug mapahimangnoan sa mga rules ang regulations panahon sa campaign period.
Nasayran nga nagsugod ang pagpangampanya kaniadtong Marso 29 ug mulungtad sa Mayo 11 ning tuiga.
