Kasado na ang Land Transportation Franchising and Regulatory Board kon LTFRB Region 10 sa ipatuman nga Oplan Byaheng Ayos – Undas 2018.
Sa interview sa RMN Malaybalay ngadto kang LTFRB-10 Regional Director Aminoden Guro gibutyag ninii nga ipatuman nila ang mao nga Oplan sa Miyerkules, Oktobre 31 ning tuiga.
Dinhi, magpahigayon matud pa sila ug pag-inspeksiyon sa mga bus terminal sa rehiyon nga laumang dagsaon sa daghang pasahero nga mo-uli sa tagsa-tagsa ka mga probinsya alang sa kalag-kalag.
Gawas niini, nagpahigayon usab sila sa pag-aprobar sa mga special permit sa biyahe.
Magbutang na usab sila’g mga help desk alang sa mga pasahero.
Gipahimangnoan usab ni Guro ang mga drayber sa bus company ug mga PUV’s nga likayan ang ‘overloading’ nga biyahe.
Dili usab angayang baliwalaon ang 20% nga discounts alang sa mga estudyante, senior citizens, PWDs ug priority seats alang sa edaran, ug mga mabdos.
