Gilunsad sa kapulisan sa Cagayan de Oro City Police Office o COCPO, Regional Special Operations Group ug Regional Drug Enforcement Unit niadtong Biyernes sa buntag ang dungan nga Oplan Galugad alang sa mga most wanted criminals, drug personalities ug common criminals.
Matud ni Police Regional Office o PRO 10 Spokesperson, Police Lt. Col. Surki Sereñas nga ang maong operasyon naka sentro sa Cagayan de Oro central district area sa Cogon.
Sa maong operasyon nasikop silang Jalal Ibra, usa ka drug watch-listed / High Value Target uban ang iyang mga kauban nga silang Jawal Amil ug Abotalib Mosa.
Nakuha gikan sa tulo ang shabu nga nagkantidad og 50-mil pesos ug drug paraphernalia.
Lakip sa nasikop si Dionisio Cleopas, usa ka watch-listed wanted drug personality nga dunay arrest warrant sa kasong may kalabutan sa druga sa tuig 2018.
Nasa napulo ka suspects nga dunay minor offenses gikan sa possession of bladed weapons hangtud sa indecent exposure or half-naked in public.
Girescue usab sa mga otoridad ang pipila ka mga menor de edad nga nakalapas sa curfew ug uban pang ordinansa sa syudad ug gi turn over ngadto sa ilang mga ginikanan ug City Social Welfare and Development.
Gamit ang arrest warrant sa kasong Syndicated Estafa, gisikop usab sa kapulisan sa Barangay Macabalan ang kasosyo ni Mark Freeman sa Ploutus Coin invesment scam nga si Kent Troy Sly Ortega Lagang.
Alayon niini nga kalampusan, gidayeg ug gipahalipayan ni PRO 10 Director Police Brigadier General Rafael Santiago Jr. ang kapulisan sa COCPO ug PRO 10.
