Davao City – Ipadayon sa Davao City Police Office (DCPO) ang pagpahigayon og Oplan Kalinaw ngadto sa kabarangayan ning syudad sa Davao.
Kini ang gibutyag ni ni Police Col Alberto Lupaz, DCPO City Director human nahinabi sa DXDC RMN Davao.
Segun ni Lupaz, ang Oplan Kalinaw usa ka maayo nga programa nga gisugdan ni kanhi City Director Police Brig General Alexander Tagum niadtong milabay’ng tuig apan naundang kini tungod sa COVID-19 pandemic.
Gidugang ni Lupaz, iyang gipadayon ang Oplan Kalinaw sa mga nagkadaiyang Barangay diin himoon lamang ka duha sa matag bulan.
Gipasabot ni Lupaz, pinaagi sa maong programa mapadayon sa kapulisan ang pagserbisyo alang sa katawhan kauban ang mga stakeholders ug ahensya gobyerno aron usab makabenepisyo ang katawhan sama sa medical mission, comedy affairs, feeding program sa mga kabataan ug uban pa.
Radyo MaN Don Pulayao
Facebook Comments
