51 metric toons nga basura, nahaw-as gikan sa kabaybayonan sa syudad atol international coastal clean up drive

32
Pagadian City – Sinako nga mga basura ang nakolekta sa gipahigayon nga international coastal clean-up drive nga gihimo sa 13 ka mga coastal barangay sa syudad sa Pagadian niadtong adlaw nga Sabado.
Mokabat sa 51 metric toons sa nagkadaiyang matang sa basura ang nalangkat ug nahaw-as gikan sa kabaybayonon ug gidala sa saktong butanganan.
Ang linangkob nga pagpanghinlo sa mga lapyanan gipasiugdahan sa LGU-Pagadian pinaagi sa City Environment and Natural Resources Office (CENRO).
Mahinumduman nga nisalmot usab sa tinuig nga aktibidad ang RMN-DXPR Pagadian, 96.7 iFM ug RadyoMaN Fans Club. Ang kalihukan kabahin sa pag-mintinar sa kahinlo sa kadagatan ug lapyahan.
Nasayran nga mosubra 3,000 ka mga volunteers usab ang natinabangay niadtong panahona aron magmalampuson ang moang International Clean Up Drive nga gisugdan niadtong 1986 ug nagmalahutayon sulod sa 36 ka tuig.



Facebook Comments