General Santos City – gikatakdang muarangkada na ang “OPLAN KANDADO” nga ginapatuman sa City Permits and Licensing Office –Gensan alang sa mga negusyo nga wala nakapa-reniew sa ilang business permit niadtong bulan sa Enero.
Sumala ni Geraldine Zamora ang labaw sa Gensan City Permits and Licensing Office nga sunod simana ila nang sugdan ang inspection sa tanang mga business establishment aron sayron kung nakarenew ba o wala sa ilang business permit.
Mag sugod ang ilang inspection sa upat ka mga barangay nga anaa sa sentrong bahin sa syudad partikular sa Barangay North, East, West ug Barangay South.
Ang mga walay permiso ilang pahimangnuan ug ilang katagan ug deadline sa pagcomply sa ilang permit. Higayon nga dili nila kini maasikado ilang ipodlock ang establishemento human sa ilang gihatag nga deadline.
Nasayran nga sa kapin 10,000 ka mga negusyante nga nagparenewsa ilang business permit niadtong tuig 2016, anaa nalang sa kapin 6,000 ka mga business permit ang nag renew karong tuiga hinungdan nga dako ang pagtuo ni Zamora nga daghan ang wala na nagparenew sa ilang business Permit.
