Gipahayag ni Misamis Oriental Police Provincial Director Col. Rolando Destura nga magpadayon ang ilang Oplan katok operation.
Kini aron aghaton ang mga gun holders sa Misamis Oriental nga i-surender ang ilang mga pusil, subay sa Comelec Gun ban sa Commission on Elections kon COMELEC.
Ang pahayag ni Destura atol sa Press Conference kagahapon sa buntag sa Misamis Oriental Police Provincial Office sa San Matin, Villanueva, Misamis Oriental.
Apan sa maong Prescon, pormal nga gipresentar sa Media ni Northern Mindanao Police Director, Brigadier General Timoteo Pacleb ang 156 ka mga pusil nga ilang nahipos atol sa Oplan katok nga gilunsad sa Misamis Oriental Provincial Police office sukad niadtong Enero uno hangtud sa April 28.
Matud ni Pacleb nga hangtud naa pa ang Gun ban sa COMELEC, dili mo-undang ang mga police sa tibuok region 10 sa ilang Oplan katok Operation.
Una pa niini, nagpagawas sa giya ang Comelec nga ipasurender ang tanang pusil gikan sa mga gun holders aron malikayan ang mga pagpanghinadlok atol sa eleksyon sa Mayo 13.
