Gutalac, ZDN-Tungod sa padayon nga kampanya sa kapulisan sa Oplan kontra boga alang niadtong naghupot sa mga ihalas nga armas. Padayon sab ang pagtahan sa pipila ka mga indibidwal sa ilang mga armas nga dili lesensyado ngadto sa mga tinugyanan sa balaod.
Ning bag-ohay lang ang kapulisan sa lungsod sa Gutalac sa pagpanguna ni PSI Alexie A. Palisoc, mi salmot kini sa usa ka Emergency Barangay Assembly didto sa may Brgy. Immaculada Conception sa maong lungsod uban ang 8th CAA Company (Patrol Base) sa pagpanguna ni CPL Benito Bandula, PA Detachment Cmdr, sa brgy. Sas, Gutalac isip usa sa mga mamumolong sa implementasyon sa kampanya batok loose FAs.
Sa maong kalihukan boluntaryong gitahan ni barangay kapitan Roque Taruc ang unom (6) ka homemade shotgun 12 gauge, walay mga bala, ngadto kang SPO4 Alexander A. Lozada, isip tubag sa maong kompanya sa nahisgutan nga Police Station.
Kasamtangan karong gi kustudiya sa Gutalac MPS ang maong armas alang na unya sa tukmang disposasyon.
