Malaybalay City, Bukidnon – Kasado na ang Oplan-Lakbay Alalay sa Department of Public Works and Highways kon DPWH Region 10 karong Kalag-kalag.
Sa interview sa RMN Malaybalay ngadto kang Vina Maghinay, ang spokesperson sa DPWH Region 10 gibutyag niini nga sugdan nila sa karong adlawa, October 30 sa alas singko sa hapon hangtod udto sa November 2 ang “Oplan Lakbay Alalay”.
Matud ni Maghinay nga ilang ibutang ang motorist assistance center sa mga strategic location sa rehiyon.
Sigun niini nga laumang sugod karong adlawa, mudaghan ang mga motorista nga mo-uli sa ilang tagsa-tagsa ka mga probinsya alang sa kalag-kalag.
Gibutyag ni Maghinay nga adunay tulo ka district engineering offices sa Bukidnon ug kada distrito adunay imontar nga assistance center.
Magbutang ang DPWH ug personahe sa mga nanag-unang kadalanan aron maghatag ug tabang sa mga motorista ilabina sa mga magub-an.
