General Santos City–Naglusad ug “Oplan Lambat Bitag Sasakyan” ang highway Patrol Group (HPG) uban ang Land Transportation Franchising and Regulatory Board (LTFRB) ug Land Transportation Office (LTO) aron mabatukan ang kaso sa carnapping ug uban pang krimen.
Sumala kang Police Col. Alan Ladra, Regional Chief sa HPG 12 nga lakip sa maong programa ang implementasyon sa R.A 4136 ingon man ang pagbatok sa Riding In Tandem Criminals.
Gawas sa LTO ug LTFRB kaabag usab nila ang ubang law enforcement unit sa matag Lokal Nga Panggamhanan.
Dugang pamahayag ni Col. Ladra nga ang maong operasyon ang magtutok sa mga motorisklo, van, bus ug uban pa aron nga masigurong dili kini carnap ug malikayan ang kaso sa hi-jacking.
Pinaagi sa maong programa, lauman na matud pa ang mga fix ug random checkpoint nga himuon sa kapulisan sa mga National Highway ug uban pang secondary road sa Rehiyon.
Kalabot niini , sa unang adlaw sa ilahang implementasyon sa maong programa mukabat sa 304 ang nadakpang traffic violators sa tibuok Rehiyon.
Anaa usab sa 75 ka mga sakyanan ang ilahang na-impound ug kini gilangkuban sa mga motorsiklo ug 4-wheeled vehicle gumikan sa kulang nga mga dokumento.(LVR)
