General Santos City—Nasampulan sa gipatuman “Oplan Mapayapa” sa PNP ang usa ka 18 anyos nga babayeng estudyante human kining nag inum daplin sa dalan sa may Manga Street., Barangay North Gensan, alas 9:00 pasado ang takna kagabie, July 1, 2018.
Ang maong babaye itago lang sa pangalang alias Renaliza, 18, estudyante, residenti sa Barangay Calumpang, Gensan.
Subay sa tala sa Police Station 1, nasuta nga nag-inum ang nasangpit daplin sa dalan atubangan sa Roy’s Cabin uban sa iyang mga higala dihang naagian sa mga nagpatrolyang pulis.
Tungod niini gisikop si Renaliza apan nakasibat ang iyang kaubanan sa inum. Nasayran nga sa karon hugtanon ang gipatumang “Oplan Mapayapa”, diin tanang mga nakalapas sa ordinansa ug uban pang balaod lokal ug national ang dakpon sa kapulisan.
