BACOLOD CITY – Magasugod na sini nga adlaw ang Oplan Tokhang Reboot sang Philippine National Police.
Ginpasalig sang PNP Regional Office 6 nga mangin transparent ang pagapatigayunon nga drug operation sang PNP sa Western Visayas sa liwat nga pagpatuman sini.
Suno kay PNP PRO-6 Spokesperson Supt. Gilbert Gorrero nga mangin kabahin sang kampanya sang pulis ang mga barangay officials kag subong man ang mga faith-based nga grupo kaangay sang Knock and Appeal Operation.
Katuyuan sini nga ma-encourage ang mga drug personalities nga magsungka na gid lamang sa utoridad.
Kabahin sang Oplan Tokhang Reboot amo ang paghingyo sa mga drug personalities nga masungka na sa utoridad kag mag avail sang libre nga drug rehabilitation ukon drug intervention sang gobierno./dyHB BACOLOD
