Karon nang adlawa ibalik sa kapolisan sa PNP-10 ang pagpatuman sa Oplan Tokhang, kung asa subling mohimo sa pagbisita ang kapolisan sa mga balay niadtong anaa sa listahan nga nalambigit sa illegal nga druga.
Kini ang gipahibalo ni PNP-10 spokesperson Supt. Lemuel Gonda, kinsa miingon nga simultaneous sa tibuok nasud ang subling pagsugod sa Oplan Toktok Hangyo.
Nakahibalo na usab niini ang tanang station commander sa tanang buhatan sa kapolisan sa Region 10, kung asa himuon ang Tokhang matag Lunes hangtod sa biernes ug magsugod sa alas otso sa buntag ngadto na sa alas singko sa hapon.
Gibutyag usab niini, nga dili tanang polis ang mohimo sa Oplan Tokhang kon dili upat lamang ka polis sa matag buhatan, kinsa gipaubos sa training isip mga Tokhangers.
By; Aiza Enloran and Ellah Baculio
