Aprubado na sa 3rd and Final Reading sa Sangguniang Panlungsod sa Malaybalay ang ordinansa nga maghigpit sa operasyon sa mga internet cafe ug peso net sa siyudad sa Malaybalay.
Sa interview sa RMN Malaybalay ngadto kang City Councilor Niko Aldeguer, ang co-sponsor sa mao nga ordinansa nga namugna kini tungod sa mga mulo sa mga magtutudlo nga adunay mga estudyante nga dili na musulod sa klase.
Matud ni Aldeguer nga nakita sa mga miyembro sa Sanguniang Panlungsod ang kamahinungdanon nga makabaton sa ordinansa nga magregulate sa operasyon sa mga internetan ug peso net.
Ilawom sa mao nga ordinansa bawal na nga musulod ug mugamit sa internet cafe’ o sa peso nets ang mga menor de edad atol sa oras tingklase, gikan Lunes hangtod Biyernes sugod sa alas 7 sa buntag hangtod alas 5 sa hapon gawas lang kung ubanan kini sa ginikanan o guardian.
Sigu ni Aldeguer nga adunay usay exemption sa mao nga ordinansa kung asa kinahanglan ug valid ID/s, class schedule ug Teacher certification nga maoy basehan kung tugutan ang estudyante sa pagsulod internet cafe ug mugamit sa internet.
Hangtod lamang alas 10 sa gabie tugutan nga musulod ug mugamit sa internet cafe ug peso nets gawas lang kung naay kauban nga ginikanan o guardian.
