Roxas City, Capiz – Mangin libre na ang pagkuha sang mga local documents sang mga fire victims sa Roxas city. Ini makaligad gin-aprobahan sang city council ang ordinansa nga ginproponer ni City Councilor Trina Marie Almalbis-Ignacio. Nakapagkit sa amo nga ordinansa nga exempted ang mga fire victims sa pagkuha sang mga local documents sa city hall sa sulod sang isa ka tuig.
Kalakip amo ang voters certificate, birth certificate, marriage certificate, certificate sang tax declaration kag madamo pa.
Mangin libre man ang reprinting sang persons with disability(PWD) kag Senior Citizens ID.
Ginsiling ni City Councilor Trina Marie Almalbis-Ignacio, nga isa sa nagtulod sa pagpursige sini nga iduso ang nasambitan nga ordinansa amo ang natabo nga pagkasunog sang poluy-an sa Brgy Culasi kun sa diin nangin madudlay para sa mga fire victims ang pagkuha sang mga dokumento nga kinahanglanon nila kag snag ila mga kabataan./
Samtang nahibaloan nga mangin epektibo ang nasambitan nga ordinansa matapos nga mapasaka na sa talatalan sang alkalde sang syudad.
photo(c)- RCCG
