Gindeklarar nga invalid sang mga katapo sang Sangguniang Panlalawigan ang Ordinance no. 24 series of 2019 sang City Government of Koronadal nga nagahatag sang honorarium kag iban pa nga benepisyo sa mga Sangguniang Kabataan Kagawads, Secretaries kag Treasurers sa 27 ka mga barangay sa syudad base naman sa rekomendasyon sang Committee on Youth and Sports nga ginapamunuan ni SK Provincial Federation President Board Member Alyssa Marie Fale.
Base sa nasambit nga ordinansa makabaton sang P1, 500 nga honorarium ang mga Sk kagawads, secretaries kag treasurers kag P3, 000.00 cash assistance for hospitalization, medical and funeral or death benefits.
Sa ginpatigayon nga session sang SP kahapon nga nagreview sang amo nga ordinansa, ginhatagan punto ni Board Member Fale ang mga facts and findings sang committee base sa hearings nga ginpatigayon, dokumento, circulars kag opinions halin sa mga concerned nga talatapan sang gobyerno.
Isa sa nangin basehan sang committee ang comment sang director sang Department of Budget and Management ukon DBM 12 sa ginpatigayon nga inter-agency meeting sang nagligad nga tuig may angot sa Appropriation, Release, Planing and Budgeting Process sang Sangguninag Kabataan Funds kon sa diin gindeklarar suno pa nga inoperative in part ang supplemental budget sang isa ka probinsya sa rehiyon bangud sa inclusion sang honoraria sang tanan nga barangay SK members lakip na ang secretary kag treasurer sa rason nga wala suno pa ini sang legal basis.
Ginhatagan man punto sang regional director nga ang intensyon sang laye amo nga mapasanyog ang bolunterismo sang mga SK officials.
Lakip man dire ang Section 387 sang Local Government Code of 1991 kag DILG opinion no. 58, series of 2019 dated September 11, 2019 nga nagasiling nga ang barangay officials lakip na ang SK chairperson ukon Acting ang entitled sang honorarium, apang ang SK kagawads, secretaries kag treasurers ang indi allowed nga magbaton sang honorarium base sa ila nga official capacity.
Dugang pa sini ang pagdis-allow sang DBM sa kapareho nga ordinansa sang Dumaguete kag General Santos City tungod wala sang legal nga basehan.
