Gikatakdang ipatuman sa dakbayan ang SP 5442-2017 nga gipangamahanan nila Konsehal Ehrnest John Sanchez, Cherry May Busa, Derrick Plaza, John Gil Unay Sr. ug Ferdinand Nalcot.. Ang maong Ordinansa mao ang No Left Turn Policy ug No U-Turn policy sa may bahin sa R. Calo Street corner sa J.C. Aquino Ave. sa pagtoo nga maghatag kini og kasulbaran sa nagkadako nga problema sa trapiko sa dakbayan. Gilangkoban sa ordinansa nga ang maggikan og east nga bahin sa J.C. Aquino Ave., (St. Joseph Cathedral) bawal na nga magleft turn sa south nga bahin R. Calo St. (Dunkin Donut) ug ang maggikan sa west nga bahin sa J.C. Aquino Ave., (McDonalds Centro) bawal na nga magleft turn sa north nga bahin sa R. Calo St. (Caltex Gasoline Station). Dugang pa, ang mga gikan sa north nga bahin sa R. Calo St. bawal na ang naandan nga pagtabok sa pikas nga bahin o vice-versa. Gibawalan usab ang pag u-turn sa ubang behikulo gawas sa mga tricycle nga pwede mo u-turn sa likod sa FSUU Building atubangan sa daan nga Bollozos Building aron masolusyonan ang problema sa trapiko sa nahisgutang dapit. Apan namahayag si PCI. Peter Paul Manatad, Hepe sa LTTMO nga aduna na silay dry run nga ipatuman human sa ipahigayong Kahimunan Festival 2018. Gisaysay usab sa maong ordinansa nga ang loading ug unloading area sa mga Pampublikong Utility Vans didto na kini himoon sa may Mata Funeral Parlor sa R. Calo St. Ang molapas sa balaod sa unang higayon pagasilutan og P1500.00, sa ikaduhang higayon P3000.00, ug sa ikatulo P5000.00. Sent from my Samsung Galaxy smartphone.
