Ordinansa sa pagsuot og IP attire sa city gov’t employees gisugyot

Davao City – Suportado sa Davaoenos ang ordinansa nga giduso sa pag-obliga sa mga empleyado sa City Government of Davao sa pagsuot og Indigenous People (IP) attire matag unang Lunes kada bulan.

Tumong sa maong ordinansa nga giduso ni Davao City Councilor ug former Executive Director sa National Commission for Culture and the Arts (NCCA), Al Ryan Alejandre nga mapakita ang suporta ug mapreserbar and kultura ug tradisyon sa Mindanaon ingon man mga bisti sa mga tribu dinhi sa dakbayan sa Davao.

Matud sa netizen ug Davaoeno nga si Grace, sakto lang ang maong lakang aron nga magbaton og kahibalo ang publiko ilabina ang kabatan-onan sa kultura sa Pilipinas.

“Good kay daghan diay ignorante pa pinoy. Wala kabalo sa galain lain kultura sa Pilipinas. Pati mga Pilipino sayaw ibalik dapat puro nalang tiktok nagpapacute mga kabataan krn [sic],” kumento niini sa DXDC 621 RMN Davao Facebook page.

Kahinumduman, niani og dili maayong kumento sa netizen human gihulagway nga ‘cosplay’ ang Bagobo-Tagabawa attire nga gisuot ni Vice President Sara Duterte sa unang State of the Nation Address (SONA) ni President Ferdinand “Bongbong” Marcos, Jr. niadtong Lunes (Hulyo 25, 2022).

RadyoMaN Kirby Manzon