Padayon pa nga gina imbestigahan sang kapulisan ang rasun sa pagpatay kay Gerald Cuadra matapos nga gintiro sang pila ka beses sa kilid sang isa ka restaurant sa dalan B.S Aquino Drive-San Agustin Extension syudad sang Bacolod pasado las Dos sang hapon, Mayo 16.
Si Gerald ang bata ni Jose Kim “Boy” Cuadra nga convicted sa kaso nga drug trafficking sadtong 2006 nga karon priso sa New Bilibid Prison sa Muntinlupa matapos gin pamatbatan sang life term imprisonment.
Suno sa inisyal nga imbestigasyon sang kapulisan, ginpahayag sang pila ka mga saksi nga gintiro ang biktima sang pito ka beses sang duha ka wala makilal-an nga mga suspetsado sakay sa isa ka motorsiklo.
Gin-kwestyon naman sang pamilya sang biktima kun nga-a wala gindala si Cuadra sa ospital apisar nga yara lang sa tabok sang crime scene.
Madumduman nga sadtong Mayo 2016, gindakup si Cuadra sa isa ka search and seizure operation sa iya nga balay sa Barangay 1 syudad sang Bacolod kun sa diin nakuha ang P1.5 million nga balor sang iligal nga druga kag armas apang nakagwa ini sa bilangguan matapos naka piyansa sadtong Setyembre 2016.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
