General Santos City—Dako ang pagpasalamat ni Police Senior Supt. Joseph Semillano ang outgoing Provincial Director sa Sarangani Police Office ngadto sa mga opisyal sa probinsya hilabi na kang Sarangani Governor Steve Chiongbian Solon gumikan sa hugtanong suporta sa kapulisan sa Sarangani ilawom sa iyang pagdumala.
Nagpasalamat usab kini ngadto sa katawhan sa probinsya gumikan sa kanunayng pakig-alayon alang sa kahapsay ug kalinaw sa Sarangani.
Gipasigarbo usab ni Semillano nga ilawom sa iyang pagdumala nahimong ubos ang crime rate sa probinsya tungod na usab sa tabang sa katawhan ug sa lokal nga panggambahan.
Giawhag usab ni Semillano ang mga Sarangan nga sama kaniya, suportahan usab ni Police Senior Supt. Arpha Abul Kyr Macalangcom Jr. kansa mipuli kaniya sa katungdanan isip Provincial Director sa Sarangani Police Office gumikan usa kini ka maayong opisyal ug may maayong performance sa mga unit sa kapulisan nga kanhi na niining gihuptan.
