Davao City – Maisogong nisukol sa duha ka mga holdaper ang usa ka babaye nga si alyas Nida, 19 anyos ug residente sa Anika Homes, Visayan Village siyudad sa Tagum.
Sumala sa biktima, igo lang unta ni siya mopalit sa usa ka convenience store nahimutang sa dalang Chavez Brgy. 14-B sa dihang dunay siyay namatikdan nga duha ka mga lalaki nga mga nagkalo.
Wala gayud siya masayop sa iyang mga pagduda ug kalit siyang giduot sa hilit ug ngit-ngit nga bahin nga lugar dayon gitionan siya sa usa ka mahait nga stainless nga kutsilyo ug mideklara og tulis.
Sa kakuyaw sa biktima iyang nahatag ang iyang cellphone nga mokantidad og 13,000 pesos.
Apan sa higayon nga pag-ikyas sa maong mga biktima, maisogon kining misukol rason nga nahadlok ang mga kawatan ug midagan kini palayo.
Pursegidong gigukod sa biktima aron makuha iyang gamit ug sa tabang usab sa mga concerned citizen malampuson nga nadakpan ang suspek nga mitago sa dalang Suazo.
Usa sa mga suspetsado naila nga si Rey Villacario Recania, 18 anyos, diin narekober gikan kanila ang cellphone nga iphone 6 plus ug ang improvised nga double blade nga stainless knife
Gihimo na sa kapulisan ang mga papeles aron mapasakahan sa tukmang kaso ang mga suspetsado.
RadyoMaN Paul Canono
