Davao City – Temporaryong dili paagian ang overpass sa Matina Crossing, Davao City human kini nagbaton og damyos tungod sa 5.6 magnitude nga linog nga misentro sa Magsaysay, Davao del Sur kagahapon sa hapon (Agosto 15, 2022) ug namatikdan usab dinhi sa syudad sa Davao.
Matud ni Romel Sajolga, personahe sa Barangay Disaster Risk Reduction and Management Council (BDRRMC) sa Matina Crossing, nakita ang pagliki kun crack sa tulay tungod sa maong kusog nga linog rason nga wala una kini gipaagian sa mga pedestrian.
Gitakdang inspeksyunon usab sa City Engineers Office ang nahisgutang istruktura pagsigurong kini luwas nga gamiton ilabina nga naapektuhan na usab ang maong tulay sa kusog usab nga linog niadtong 2019.
Samtang, nagpahimangno ang Davao City Disaster Risk Reduction and Management Office (CDRRMO) sa Davaoeños mga susihon usab ang ilang panimalay sa posibleng epekto sa matigayong pagtay-og.
RadyoMaN Kirby Manzon
Facebook Comments
