Zamboanga del Sur – Gi-awhag sa karon sa Department of Trade and Industry (DTI) -Zamboanga del Sur ang mga konsumante nga itaho sa ilang buhatan ang mga parmasya sa dakbayan sa Pagadian nga mupahimulos sa kahigayonan sa pagpamaligya sa mga surgical mask sa hilabihan ka taas nga kantidad.
Nasayran nga nihimo ang DTI -Zamboanga del Sur og supresa nga inspeksyon sa niadtong lunes ug nakalabay nga semana sa mga pharmasya ug botika sa syudad.
Lakip karon sa gi-monitor sa DTI-Zamboanga del Sur ang alcohol, gloves ug nebulizer diin ang mga tindahan nga mamatutud-an nga mopasaka sa presyo pahamtangan nila og silot pinasikad sa Akta Republika 7581 kun “_Price Act.”_
Sumala ni Thelma Ceniza, sa DTI- _CONSUMER PROTECTION_ ang masakpan nga nag-overpricing giingong mag-atubang kini ug penalty apan sa gihapon ipaagi una sa ‘due process’.
Hinuon, sa pagkakarun, wala pa may naaktohan ang DTI sa mga nagpahimulos nga mga pharmacy.
