May lima ka mga Overseas Filipino Workers sa rehiyon dose nga napatay sa Saudi Arabia ang nalakip sa masobra 350 ka kabug-usan nga mga OFW`s nga papaulion sa pungsod base sa datos sang Overseas Workers Welfare Administration ukon OWWA 12.
Suno kay OWWA 12 Regional Director Marilou Sumalinog sa lima ang duha ang napatay tungod sa COVID-19 sa diin nagahulat sila sang impormasyon kon lakip man ang mga ini sa papaulion.
Samtang ginkumpirmar niya nga sang nagligad nga semana may isa ka bangkay sang OFW nga napatay sa Saudi Arabia ang nag-abot sa rehiyon.
Ginpasiguro man ni Sumalinog nga may mabaton nga ayuda halin sa OWWA ang pamilya sang mga napatay nga OFW kapareho sang burial assistance nga nagalab-ot sa P120k tubtob P200k,P15k livelihood assistance kag scholarship program.
Ginkumpirmar man ni OWWA Regional Director Sumalinog nga nagalab-ot na sa masobra duha ka libo nga mga returning OFW`s ang nakaabot sa rehiyon dose kag yara pa sa masobra sa tatlo ka libo nga mga OFW ang ginaekspektar nila nga magpauli.
