General Santos City—Gikumperma ni DOLE Regional Director Sisinio Cano nga ang buhatan sa Overseas Workers Welfare Administration o OWWA ang muo-asikaso sa tanang kinahanglanon sa pagpahiluna sa patay nga lawas sa OFW nga si Jeanelyn Villavende nga taga Norala, South Cotabato.
Sumala pa ni Director Cano nga aduna nay gi-andam nga tabang pinansyal ang maong buhatan alang sa pamilya sa nahisgutang OFW kansa brutal gipatay sa iyahang amo sa nasud Kuwait.
Samtang gikumperma usab sa opisyal nga gimanduan kini ni DOLE Secretary Silvestre Bello lll nga makig-alayon sa NBI aron usab mapailawom sa autopsy ang lawas niini basi usab sa hangyo sa pamilya aron nga makumperma kung pareho ang mamahimong resulta sa autopsy nga gipahigayon sa Kuwaiti Government.(Dave Silagan)
