Nagakantidad sa masobra P4,103,118.00 livelihood checks kag starter kits ang ginreleased sang Department of Labor and Employment ukon DOLE 12 sa 294 beneficiaries sa mga banwa sang Alabel, Glan kag Malungon sa probinsya sang Sarangani Province sa katuyuan nga mabuligan ang mga vulnerable sectors sa rehiyon.
Ginpangunahan mismo ni DOLE 12 Regional Director Raymundo Agravante kag DOLE-Sarangani Field Office Head Conrado Artatez ang awarding of checks and livelihood starter kits.
Ginsaksihan man sang mga local chief executives, Public Employment Service Office (PESO) managers kag barangay officials ang nasambit nga aktibidad.
Nahibaluan nga sang Hulyo 15 subong nga tuig nakabaton man sang livelihood checks nga nagakantidad sang P547, 623.00 kag P 513,290.00 ang Barangay Government Units (BGUs) sang Nagpan kag Tamban sang Malungon sa diin yara sa100 ka mga beneficiaries ang nakabaton.
Sa amo man nga adlaw yara sa 118 ka beneficiaries ka mga pigado nga residente kag drug surrenderers ang recipients sang P994, 100.00 starter kits.
Sang Hulyo 16 nagakantidad sa P 998,170.00 kag P1,040,935.00 ka livelihood checks ang ginrelease sa Local Government Unit sang Glan kag BGU-Bagacay sang Alabel amounting to Php 998,170.00.
Lakip naman sa mga napili nga livelihood projects sang mga benepisyaryo ang kakanin making, food vendings, barber/beauty parlor services, welding, vegetable gardening, carpentry services, kag iban pa.
May-angot sini, ginpahayag ni RD Agravante nga ginalauman nila nga madamo pa sang indibidwal ang magsulod sa pagnegosyo tungod daku ini nga bulig sa ila pamilya ilabi na sa subong nga may pandemya.
