Wala na kaantos pa ug nagpatabang na gyud sa kwerpo sa kapulisan si Maria Kristina Cassion, information officer sa Department of Transportation (DOTr) Caraga aron matagaan ug proteksyon gumikan sa sunod-sunod nga mga hulga sa iyang kinabuhi. Asoy ni Cassion atubangan sa Police Station 1, nga bandang alas 3:30 sa hapon niadtong Mayo 11 ning tuiga nakadawat siya ug tawag gikan sa nagpakabanang kaila ug nagsulti nga anaa na daw P 50,000 nga patong ang iyang ulo. Sa pagka-Mayo 12 ning tuiga nakadawat si Cassion ug mensahe sa texts gikan usab sa nagpakabanag kaila nga nagbutyag nga matud pa kasagaran ang taga lungsod sa Bacuag, Surigao del Norte ang birador ug kuhaon kini gikan matud pa sa isla. Sigun sa impormasyon sa opisyal nga ang wala gipanganlan nga operator sa Express sa maong lungsod ang adunay dakung kontribusyon sa planong pagpapatay kaniya. Sa karon gipalawman sa kwerpo sa kapulisan ang imbistigasyon labot sa maong insidenti. Si Cassion mao nag expose sa anomaliya sulod ahensya ug naglusad sa dakop batok kolurom nga mga van.
Sent from my Samsung Galaxy smartphone.
