Nabalabagan sang pwersa sang gobyerno ang isa ka elf truck nga may karga nga mga kahon sang wala mga dokumento nga sigarilyo sa Barangay Kidama, Matanog, Maguindanao.
Nagapatigayon suno pa sang joint Marines-PNP mobile patrol ang tropa sang Joint Task Force Central halin sa Marine Battalion Landing Team-5 sa idalom sang Naval Task Group Central – 1st Marine Brigade (1MBDE) sang nabalabagan ang isa ka Isuzu Elf nga may temporary plate no 1230 112145.
Suno pa sang inspeksyunon ang truck, nakit-an sang mga marine ang mga kahon sang smuggled Fort Cigarettes nga gintabunan sang sinako sang mais.
Ginabulubanta naman sa P1.4M ang kantidad sang mga narekober nga mga smuggled cigarettes.
Nahibaluan man sang tropa nga ang mga smuggled goods ang may escort nga armado nga mga kalalakihan nga ginkilala kanday Karim Omar kag Abdullah O Saidan, nga ginaaligar miyembro sang Moro National Liberation Front (MNLF).
Ginturn-over naman sa Matanog Municipal Police Station ang smuggled cigarettes kag ang mga naaresto nga mga persona.
credit 6ID
