Davao City- Traynta ka mga panimalay ang naugdaw diin dili muubos sa singkwenta ka mga pamilya ang apektado sa natigayong sunog sa Purok 26 Muslim Village, Times Beach Davao City kaganihang alas 2 sa hapon.
Sa interbyu sa DXDC RMN Davao kang Fire Inspector Christian Cena, Public Information Officer of Central Fire Station Davao nga mokabat sa P1.5-M ang inisyal nga damyos sa sunog sa nasangpit nga lugar.
Walay natalang samdan o namatay sa insidente sumala pa ni Cena.
Nadawat sa BFP-XI ang tawag alas 1:38 sa hapon ug gideklara kining fireout alas 3:39 sa hapon.
Nagpadayon ang gihimong imbestigasyon sa kabomberohan sa hinungdan sa sunog.
Samtang giatiman na sa City Social Services and Development Office ang apektado sa sunog.
Pipila sa mga pamilyang nasunugan temporaryong gihikling sa basket court sa maong barangay.
RadyoMan Aimee Guinita
