Magaepektibo sa Pebrero 23 subong nga tuig ang panibag-o nga wage increase para naman sa mga domestic workers ukon kasambahay sa rehiyon dose matapos nga tigayon na ini nga ginpublish sa lokal nga pamantalaan sang Pebrero 8.
Ini ang nangin kumpirmasyon ni RTWPB 12 Secretary Jessie dela Cruz.
Base sa naaprobahan sang Regional Tripartite Wages and Productivity Board ukon RTWPB 12 nagalab-ot sa P1,500 ang dugang nga sweldo sang mga kasambahay sa rehiyon.
May-angot sini, mahimo na nga P4,000.00 ang mabaton nga sweldo kada bulan sang kasambahay nga yara sa syudad kag 1st class municipalities kag P3,500.00 naman ang mabaton sang kasambahay nga yara sa iban munisipalidad.
Indi naman sakop sang wage hike ang mga family drivers kag iban pa tungod ginakonsiderar na suno pa ang mga ini nga professional.
Samtang ginaawhag nila suno kay dela Cruz ang mga kasambahay nga kon indi mahatag sang mga amo sini ang dugang saka sa sweldo ang magpalab-ot lang sang reklamo sa mga field offices sang DOLE sa ila nga lugar.
