Davao City – Arestado sa kapolisan sa Sta Ana ang laing drug pusher human nakuhaan og shabu nga mukantidad og P10,000.00 atol sa gikasang anti illegal drug operation alas 2:05 sa hapon didto sa Purok 2 Bucana Brgy 76-A siyudad sa Davao.
Sa report gikan Sta Ana Pnp ang dinakpan nailang si Ninio Ruzzele Agustin, 26 anyos, ulitawo residente sa nahisgutang lugar.
Matud pa sa dihang gikasa ang buy bust sa usa ka poseur buyer kinsa maoy mitunol sa buy bust money nga P500.00 ngadto sa suspek kambiyo ang usa ka sachet nga shabu.
Narekober sa dinakpan ang laing lima ka sachet sa shabu, buy bust money, usa ka cellphone nga maoy gigamit sa suspect sa illegal nga transaksiyon.
Ang dinakpan nga si Aguntis balhug na sa Sta Ana PNP ug gihikay na sa kapolisan ang kasong kalapasan sa RA 9165 kon Comprehensive Dangerous Drugs Act of 2002.
RadyoMan Don Pulayao
