Aprobado na sa third and final reading sang Sangguniang Panlalawigan sang South Cotabato ang SP Ordinance series of 2020, ang P11 milyon nga financial assistance nga ginhingyo sang 11 ka component LGU sang probinsya sang naglabay nga bulan.
Suno kay South Cotabato Vice Governor Vicente De Jesus gintapos na sang Sangguniang Panlalawigan members ang nasambit nga pondo matapos nga nahan-ay man sang tagsa ka LGU ang ila sini proyekto para sa ila sini banwa kag sa syudad.
Dugang ni Vice Governor De Jesus, basi sa MOA nga ginpirmahan sang tagsa ka LGU kinahanglan nga mapatuman ang proyekto subong nga 2020.
Lakip sa proyekto nga luyag pondohan sang tagsa ka LGU ang CCTV Camera sa banwa sang Sto Niño, pagsemento sa dalan sa banwa sang Banga kag Surallah kag iban pa.
