Davao City- Musumada sa P128-M ang natalang damyos sa sunog dinhi sa Davao City diin sagad kini nahitabo sa mga residential areas.
Sa interbyu sa RMN Davao kang SFO4 Ramil Gillado, Davao City Fire District Intelligence and Investigation Section chief, sukad Enero hangtod Disyembre 7, 2021 nakatala og 375 ka mga sunog diin nikalas kini’g 15 ka mga kinabuhi.
“Last year nato P31 million ang karon nato P128 million ang damage nato, ang nakita nato nga pag-increase sa damage sa fire incident kay ang kasagaran involved man gud kay naa tay mga industrial like mercantile ug mga business establishments,” sumala niini.
Gibutyag ni Gillado nag-unang rason gihapon sa mga sunog ang electrical ug samtang tulo ang nakasuhan og arson.
RadyoMaN Aimee Guinita
