Davao City- Maabunohan sumala pa ang syudad sa Davao sa mga bag-ong ekipo nga pagapaliton sa Bureau of Fire Protection (BFP) aron dugang tabang sa pagresponde kung dunay matigayong sunog.
Kini ang gibutyag ni Inter-Agency Anti-Arson Task Force (IATF) deputy team leader ug spokesperson Fire S/Supt. Jerry Candido atol sa gipahigayong AFP-PNP Presscon kaganina diin sumala sa tigpabama sa maong taskforce, adunay 1 billion pesos nga gitagana nga dugang budget alang sa pagpalit og bag-ong ekipo sa BFP sa tibuok nasud Pilipinas.
“Yan po ay readily responded ng ating Presidente by giving us additional 1 billion pesos. Additional budget over and above our 2018 budget at isa sa bibilhin out of this 1 billion are five area ladders, of course Davao City is one of the recipients, merong self-contained breathing apparatus (SCBA), pipelines and we will also buy refilling system, sampu na super tankers na pang fire fighting,” sigun ni Candido.
Apan sumala ni Candido, magkinahanglan pa og 56 billion pesos alang sa dugang pa nga mga ekipo wala pay labot ang mga gamit sa mga personahe sa BFP sama sa helmet ug mga butas gani ang dul-an usa ka libo nila nga mga firetrucks 20 anyos katuig na kapin apan dili man usab sila makapugos nga hatagan sila og dugang pang atensyon kabahin niini kay daghan usab ahensya ang nanginahangalan og modernisayon sama sa AFP ug PNP.
Sa pikas bahin, ginahulat nalang karon sa taskforce ang pagsumite sa dugang mga dokumento nga gikinahanglan sa imbestigasyon sa sunog sa NCCC Mall Davao aron ma-ebalwar nila tanan diin lauman nga makumpleto kini ugma o sa sunod adlaw.
Subay sa nagpadayong imbestigasyon posibleng madungagan pa ang walo ka mga opisyal nga retired and active sa BFP nga manubag sa sunog sa maong mall depende sa ilang makuha nga mga dokumento diin dili pa niya mabutyag ang mga pangalan niini hangtod wala pa silay magunitan nga mga ebidensya.
Gani giklaro usab ni Candido nga dili makaapekto sa ilang imbestigasyon ang gihimong pagsulod sa mall kagahapon sa duha ka foreign fire and forensics investigators gikan sa sa Washington, DC nga gikomisyon sa NCCC aron imbestigahan ang insidente.
“As to the effect of the possible findings, well, firstly it has no bearing because it is our report that shall prevail. Kung meron silang bago doon na we think na magamit namin baka pwede i-include sa report kung hindi pa namin na finalize but in case of conflict, well again walang problema po yan dahil aming report naman yung ma-prevail kasi kami naman po ang authorize to file appropriate cases sa lahat ng involve sa sunog na ‘to,” sulti ni Candido.
RadyoMaN Renz Barbarona
