General Santos City— Giangkon ni Gensan City Councilor Lourdes Casabuena nga maka-alarma na gyud ang kaso sa lugos sa dakbayan hilabi na nga sagad sa mga biktima mga menor de edad.
Sumala niya nga kung basihan ang datus, matag bulan, adunay maitalang kaso sa pagpanglugos sa dakbayan rason nga buot niyang magpahigayon ug parenteng seminiar aron nga mahatagan ug giya ang mga ginikanan aron nga malikay sa peligro ang ilahang mga anak.
Nanawagan man usab siya sa mga nabikitma sa pagpangubuso nga magsumbong sa otoridad gumikan sila ang protektahan man sa balaud.
Pag-angkon ni Kagawad Casabuena nga gawas sa mga na-record, mas daghan pa ang mga wala ma-record gumikan uban sa mga biktima ang maulaw ug mahadlok nga mabal-an ang ilahang sitwasyon.
Samtang basi sa datus sa City Social Welfare and Development Office gikan July ngadto na December 2017, adunay unom ka kaso ang naitala wala payt apil niini ang mga kaso sa lugos nga diretsong napasaka sa korte o sa kapulisan gumikan ang maong ihap ang gikan lang sa mga barangay.
