Tigayon nga nagabot ang yara sa 12,000 ka puno sang marijuana nga nagakantidad sang P2.4 million sa Sitio Tukaymal, Brgy. Tablu, Tampakan, South Cotabato.
Ginkilala ang cultivator sang marijuana plantation kay Jimben Sinaya, yara sa legal nga pang-edaron, mangunguma kag residente sang Brgy. Danlag, Tampakan, South Cotabato.
Si Sinaya ang cultivator man suno pa sang nagabot nga 13,000 ka puno sang marijuana sang Enero 2021 sa Brgy. Danlag.
Nagapabilin naman nga at-large ang suspek nga nagapangatubang sang kaso nga pagbayolar sa Section 16 sang Article II sang RA 9165.
Ginpatigayon ang operasyon sang gintingob nga pwersa sang PDEA South Cotabato PO, Tampakan MPS, RPDEU 12, SCPDEU, 1st COY SCPMFC, 1205th kag 1201st MC, RMFB 12 kag 39th IB PA.
