Davao City – Mokabat sa kapin P2.4-Million sulod lamang sa unang pito ka tuig ang nakolekta sa Davao City Treasurer’s Office (CTO) subay sa hugot nga pagpatuman sa anti-smoking campaign ingon man sa liquor ban sa mga awtoridad.
Sumala ni Davao City Vice Regulation Unit (VRU) Chief Dr. Ashley Lopez, 60% sa nakolektang buwis naggikan sa anti-smoking violation ug kalapasan sa liquor ban samtang ang 40% niini gikan sa mga negosyante nga mi-apply og permit to sell sa lokal nga panggamhanan.
“Although we impose total ban on smoking among public places but still it’s under regulation because we still allow smoking inside some private places,” segun niini.
Gitataw ni Lopez nga ginatugutan lang nila manigarilyo ang usa ka indibidwal sa designated public places ug sulod sa private vehicles.
Gipasabot sa VRU chief nga ang Philippine National Police (PNP) pa lamang sa pagkakaron ang deputized nga magpatuman sa maong balaud ingon man mangdakop samtang adunay dugang 300 ka mga volunteers gikan sa pribadong sektor.
Kun galing madakpan sa unang higayon, mamahimo pa kining maka-apply sa ‘no contest probation’ gani makabayad lamang sila og P500 ug adunay briefing bahin sa smoke cessation counseling samtang makabayad og P1,000 sa second offense, P1,500 sa ikatulong offense, P2,000 sa fourth offense ug mamahimong ma-penalize kun mapildi sa korte.
Sa pagkakaron, adunay 50 ka mga designated smoking areas dinhi sa syudad sa Davao.
RadyoMaN Jason Amisola
