Roxas City, Capiz- Isa ang patay samtang isa man ang kritikal matapos nga naglapaw sa kurbada kag nabunggo sa poste sang Capelco ang ginasakyan sang mga ini nga motorsiklo pasado ala una snag kaaganhon sa Brgy. Lawaan Roxas City.
Ginbawian sang kabuhi ang driver sang motorsiklo nga ginkilala kay Lovely Berlandino y Mijares, 20-anyos sang Barangay Culajao, Roxas City samtang kritikal ang backrider sini nga ginkilala kay Gregorio Maquiran III sang Barangay Lonoy Roxas City.
Ginpahayag sang traffic investigator sang Roxas City PNP nga si PO2 Gamin Unarce, halin ang mga biktima sa Barangay Lonoy kag padulong sa city proper. Apang pag-abot sa nasambitan nga lugar, naglapaw sa kurbadahon nga porsyon ang ginamaneho nga motor kag nabunggo sa poste sang Capelco.
Nahibaluan nga tuman ka dasig ang padalagan sini kabangdanan nga wala makontrol sang driver ang manibela.
Gindangat pa sa Capiz Doctors Hospital ang biktima apang ini ang gindeklarar nga dead-on-arrival.
photo © FB follower
